Dende que me fixen vexetariana e aspirante a vegana, moi poucas veces volvín comer albóndegas. É un produto que tiña moi asociado á carne e que me parecía complexo preparar de outro xeito… Ata que miña nai preparou estas albóndegas de berenxena de Velocidad Cuchara.
O único que podo dicir é que me encantaron. Van ao forno e como levan pan, éste queda cruxinte e dalle unha textura moi saborosa.
Aquí vos deixo a receita que usei.
Ingredientes
- 4 dentes de allo
- 600 gr de berenxena con pel en anacos de 2-3 cm
- 30 gr de aceite de oliva
- 60 gr de auga
- 180 gr de pan duro
- 4 ramiñas de perexil fresco
- 4 follas de alfábega fresca
- 1 ovo
- 1 pizca de sal
- 1 pizca de pementa negra recén moída
Para a salsa de tomate
- 800 gr de tomate natural triturado (de bote ou normal)
- 50 gr de aceite de oliva
- 2 culleres sopeiras de azucre
- 1 culler de postre de sal
Elaboración
- Poñer 2 allos no vaso da Thermomix e picar 3 segundos, velocidade 7. Agregar os 600 gr de berenxena e trocear 6 segundos en velocidade 4. Baixar os restos das paredes e engadir o aceite e sofreír 6 minutos, varoma, velocidade 1.
- Agrega-la auga e programar 6 minutos, 100 graos, velocidade 1. Logo, trocear 3 segundos en velocidade 5 e verter a mestura nun bol para que atempere. Deixar repousar uns 20 minutos.
- Sen lavar o vaso, agregar o pan en anacos, 2 dentes de allo, o perexil, a alfábega e triturar 10 segundos en velocidade 10. Baixar os restos das paredes.
- Engadir o ovo, o sal, a pementa e a carne reservada das berenxenas e mesturar 15 segundos, xiro á esquerda e velocidade 3. Pasar a un bol e prequencer o forno a 200 graos.
- Engraxar un molde para forno e formar as albóndegas (saen unhas 20 de tamaño grande). Baixarlle ao forno ata 180 graos e meter as albóndegas durante 20 minutos.
- Mentres se fan as albóndegas, poñer no vaso os tomates trituradios, o aceite, o azucre e o sal, e programar 30 minutos, varoma, velocidade 2. Ao rematar, verter esta salsa sobre as albóndegas. Acompañar cun pouco de arroz en branco.
- Valen para comer días despois de feitas pero perderán o toque cruxinte.
- O pan pode ser branco ou integral, pero queda mellor co de barra que co pan de molde.
- Se non tes tempo para facer a salsa, chega con poñer nunha tixola a salsa de tomate natural triturado e salteala cun pouco de allo e agregarlle ourego.
