Biscoito de cereixas vegano


Ás veces Javier, o rapaz de Dimensión Vegana, é un pouco trapallas coas receitas e como él cociña moi ben pois fai todo a ollo e claro logo as receitas non me saen igual ca el. Pero neste caso teño que devolverlle a honra porque este biscoito vegano sae mallado e queda riquísimo.

Ideal para unha merenda con te ou café con amigos e ademáis libre de produtos de orixe animal :).


Ingredientes

500 gr de fariña con levadura (tipo Bizcochona)
un chisco de sal
1/2 taza de azucre glas
1/2 culler de postre de levadura Royal
2 tazas de leite de améndoas
1 culler de postre de esencia de vainilla
3/4 de taza de aceite de xirasol
1 culler sopeira de vinagre de mazá
500 gr de cereixas sen óso

Para a glasa

o zume de 1 limón
media taza de azucre glas

Elaboración

1) Por un lado mesturar nun bol todos os ingredientes secos: a fariña, o sal, o azucre glas e a levadura. Mesturar por completo.

2) Noutro bol  mesturar os ingredientes líquidos: o leite vexetal, a vainilla e o aceite. Mesturar ben.

3) Incorporar os ingredientes líquidos aos sólidos e remexer. Agregar a culler sopeira de vinagre e seguir removendo ata que quede perfectamente integrado.

4) Volcar a mestura sobre un molde duns 22 cms de ancho, aceitado e enfariñado para que non se pegue o pastel.

5) Por riba colocar as cereixas partidas á metade sen óso.

6) Meter na parte media do forno prequencido a 190 graos durante 45 minutos ou 1 hora.

7) Retirar do forno, deixar arrefriar 15 minutos e desmoldar.

8) Preparar a glasa mesturando nunha taza o azucre glas co zume de limon. Ir incorporando pouco a pouco o zume ata que vaia quedando unha pasta que escorrega un pouco. Cando estea nese estado, distribuíla pola superficie do biscoito. Deixar arrefriar para que solidifique.

Notas

– Para desmoldalos mellor, eu póñolles un papel de forno na base do molde.

– Pódense usar froitos do bosque en lugar de cereixas tamén.

–  O leite de améndoas haino no Gadis de Ortigueira.

Fonte

Receita orixinal: Dimensión vegana

 

 

Deixa un comentario

O teu enderezo electrónico non se publicará Os campos obrigatorios están marcados con *

*