Crocante de mazá

Ingredientes

100 g de fariña de trigo
100 g de azucre moreno
100 g de fariña de améndoa (améndoas moídas finas)
100 g de margarina vexetal
1 culler de postre de sal
5 mazás golden
1 culler de postre de canela
2 limóns

Elaboración

1) Pelar e cortar as mazás en dados e poñelas nunha bandexa (apta para o forno) cubertas co zume dos limóns e a canela.

2) Nun bol, mesturar as fariñas de trigo e améndoas, o azucre, a margarina e o sal.

3) Relar a masa resultante sobre a fonte na que temos as mazás. Para relar podemos usar un relador normal.

4) Meter todo no forno a 180º ata que a superficie comece a dourarse.

Notas

A fariña de améndoas pódese facer coa Thermomix, triturando améndoas crúas.

Pódese facer tamén cunha mestura de mazá e pera, ou mazá e cirolas pasas.

Fonte

Receita orixinal: Delicias veganas de Toni Rodríguez

2 Comments

  1. Vouche seguindo a pista e copiando algunhas receitas 🙂
    Moitas grazas por compartilas!
    Bea

  2. De nada! Aquí gustanos moito cociñar, así que todo o que podamos compartir, compartirémolo. Xa me comentou Basi que che gustaría meter máis verduras nas comidas, así qeu xa sabes, se tes interés por algunha en especial dimo e doulle prioridade a receitas que leven ese ingrediente.

Deixa un comentario

O teu enderezo electrónico non se publicará Os campos obrigatorios están marcados con *

*