Iogur de soia


 
Ingredientes

1 litro de leite de soia
1 culler de postre de agar agar
1 iogur de soia ou fermento para facer iogur

Elaboración

1) Poñer o litro de leite nunha pota e agregar o agar agar. Remover ata que quede todo disolto e ben integrado. Se se quere engadir un enzulzante pódese facer neste paso.

2) Poñer a pota ao lume e quentar sen que rompa a fever.

3) Retiar a pota do lume e deixar que arrefríe ata os 40-50 graos. Meter un dedo no leite e se está quente pero non queima xa estará lista.

4) Agregar o fermento ou o iogur e remover ben.

5) Repartir o líquido nos vasos da iogurteira e programar 9 horas.

6) Sacar da iogurtera e meter na neveira un par de horas antes de consumir.

Notas

Eu uso o fermento Avogel. En Ortigueira pódese pedir tamén na herboristería Marem (centro de fisioterapia, na estrada xeral).

Os botes nos que se garde o iogur teñen que ser de cristal.

Tamén se pode facer quentando o forno a 50 graos, apagándoo e metendo dentro os tarros de iogur durante 8 horas co forno para reemplazar a iogurtera.

Eu non endulzo o iogur porque así despois cada un bótalle mel ou sirope de ágave ao gusto. 

Para repetir unha segunda tanda de iogures, hai que deixar un iogur sen comer e ese é o que empregaremos para facer a nova tanda de iogures.

Esta é a iogurteira que uso eu.

Fonte

Receita orixinal: Danza de Fogones

Deixa un comentario

O teu enderezo electrónico non se publicará Os campos obrigatorios están marcados con *

*