Ingredientes
Para os “nuggets”
Tofu (150 gr)
1 paquete de maices ou “kikos”
2 culleres sopeiras de pan relado
Leite de soia
Sal ao gusto
Para o acompañamento “Coleslaw”
3/4 de col pequena sen tallo
1 cenoria
1/2 mazá tipo golden
1 culler sopeira de maionesa
1/2 cebolleta grande
1/2 culler sopeira de azucre
1 iogur natural (mello se é cremoso)
1 culler sopeira de mostaza suave
Un chisco de vinagre branco
Sal e pementa negra ao gusto
Elaboración
Para os nuggets
1) Triturar os maíces pero deixando que queden algúns anacos máis grosos para darlle o punto cruxinte.
2) Engadir aos maíces dúas culleres sopeiras de pan relado e mesturar.
3) Cortar o tofu en toros de 1cm aproximadamente e logo cortar eses toros en anacos desiguais.
4) Verter un pouco de leite de soia nun bol e ir mollando o tofu no leite. Logo afundir o tofu na mestura de maíces e pan relado ata que queden ben cubertos.
5) Poñer ao lume unha tixola con abundante aceite e cando estea ben quente, fritir os anacos de tofu.
6) Retirar da tixola e poñer a escoar sobre papel absorvente. Espolvorexar cun chisco de sal e servir.
Para a coleslaw
1) Cortar o repolo en xuliana fina. Relar en tiras finas a cenoria, a mazá e a cebola.
2) Nun bol poñer o iogur co resto de ingredientes ( vinagre, mostaza, maionesa, azucre, sal e pementa). Mesturar todo ben.
3) Agregar a salsa ás verduras reladas e mesturar ben.
4) Deixar repousar na neveira durante un mínimo de 4 horas. Cada pouco sacar da neveira e ir escoando o líquido que vaian botando as verduras.
Notas
Un truco para que non queden graxentos e poñelos no escoador primeiro, e unha vez que perden temperatura pasalos ao papel de cociña.
A coleslaw vai moi ben tamén para encher pans de pita ou arepas.
Fonte
Receita orixinal: Begin Vegan Begun e Mercado Calabajío.
