Copa menstrual Ammo

Copa mesntrual

Un día púxenme a pensar en que ao longo da miña vida fértil ía usar unha cantidade inxente de compresas e tampóns. Iso, ademáis dun gasto, supoñía unha cantidade impresionante de residuos plásticos que inevitablemnete irían a parar aos nosos mares e non farían máis que empeorar a situación do noso planeta.

Ademáis estaba totalmente asqueada coa cantidade de produtos químicos e blanqueadores que incorporaba cada un dos panos que usaba durante a miña regla.

De modo que comecei a buscar pola rede alternativas e cheguei ás compresas de tela rehusables. Nun inicio pareceume unha boa alternativa xa que con elas reducía drásticamente a cantidade de plásticos que xenero.

Así que botei varios anos usando compresas de tela (que mercaba online en Crianza Natural) pero seguía habendo peros: lavar as comprensas era un rollo, ao igual que as comrpesas de tela, despedían un cheiro desagradable despois de usalas varias horas (aínda que non tanto como o das de plástico) e se me cambiaba varias veces ao día, tiña que metelas nunha tina para que o sangue non se secase. Se estaba fóra da casa, tiña que gardar a compresa nunha bolsa hermética e agardar a chegar a casa para lavala. Vamos que era un pouco práctico.

Así que seguín buscando alterantivas ata que atopei a copa menstrual. Facía bastantes anos xa mercara unha en plan experimental nunha feira de Biocultura en Madrid pero non tivera moi bos resultados co seu uso. Nembargantes as novas copas parecían máis suaves e anatómicas que aquela primeira Diva Cup. Así que me decidín a probar novamente e non podo estar máis contenta coa decisión.

Inicialmente escollín dúas para probar: Ammo e Enna Cycle. As dúas merqueinas na farmacia.

Inicialmente escollín Enna Cycle porque traía dúas copas, un aplicador e tiña un fio moi longo colgando da base que permitía localizar sempre en que posición se atopaba a copa. Porque igual che sona a coña pero a primeira vez que a puxen pensei que morría do agobio porque non era capaz de atopala e sacala. Case me da un patatús e púxenme nerviosa pensando que tería que ir a urxencias a que ma quitasen porque o vía totalmemte imposible, jajajaja. Ao final non houbo drama e a copa saiu perfectamente pero non me quedaron gañas de probar durante un par de meses. Por iso, a seguinte vez que o volvín intentar apostei por Enna para ter localizada en todo momento a dichosa copiña cando estivese dentro do meu corpo. Non obstante, cando xa fun collendo soltura e xeito, deixei de usar o aplicador e para sacala, ao ter só unha boliña pequena pola que tirar, resultabame moito máis complexo que a Ammo. Así que deixeina de usar.

Finalmente, depois de probar e probar, decidinme pola copa Ammo porque me parece máis práctica e sinxela de extraer. A miña costou 30 € e merqueina na farmacia do meu pobo.

Para comprender un pouco mellor como funcionaba todo o asunto, botei unha chea de tempo vendo vídeos no Youtube e escoitando video reviews de centos de blogueiras. Ahí foi onde me sentín máis segura xa que ao principio a idea que se transmitía era que era súper fácil poñela e quitala e a min non me resultou nada fácil poñela nin quitala as primeiras veces. Saber que a moitas outras mulleres lles pasaba o mesmo, foime de axuda. Así que, tranquilla. Se non che sae á primeira, deixao e proba noutra ocasión, ao final acabarás poñéndoa moi fácilmente.

As vantaxes de usala son increíbles. Algunas son:

  • cero gasto plástico cada mes xa que a copa dura ata 10 anos.
  • cero olores. Como todo se garda na copa e non entra en contacto co aire non se produce oxidación.
  • comodidade. Podoa levar ata 12 horas seguidas polo que podo durmir con ela ou pasar todo o día no monte sen ter que cambiarme.
  • incrementa a miña comodidade porque parece que non levas nada en lugar de ir co “pañalote” de compresa.
  • coido do medio ambiente porque a copa non contén produtos químicos nin blaqueadores.
  • non altera o ph vaxinal polo que se reducen os problemas de fungos ou infeccións.
  • aforro cartos porque non gasto de produtos desbotables cada mes
  • nunca me quedo sen recambio porque a copa está sempre ahí
  • Anímaste a usala? Se aínda non o tes claro, de entre todos os vídeos que consultei antes de mercar a miña primeira copa, o mellor informado, práctico e ilustrativo é este que deixo aquí. Agardo que che sirva de axuda se algún día decides usala.

    E este outro sobre cómo sacala:

    Por nós, polo plantea… cambiate á copa menstrual 😉

    2 Comments

    1. Agradécense este tipo de publicacións. Moi ben explicado. Para min, descubrir a copa menstrual foi o cambio máis importante na miña vida. É o máis parecido a non ter a regla, non deixas resíduos, non gastas tantos cartos, é coma se non levaras nada posto. É certo que ás veces hai algo de esaxeración no que se refire á facilidade para poñela e sacala. As primeiras veces poden facer que unha muller desista de intentalo se non llo explicaron ben antes. Eu fixen autoaprendizaxe e se hoxe uso a copa é porque son moi teimuda e insistín varias veces ata que aprendín a colocala sen problemas. Pero é así, unha vez que atopas o mellor xeito para poñela e sacala dentro da túa vaxina, xa non hai excusa, é o mellor.
      As vantaxes máis importantes que eu lle atopei:
      – Adeus fugas polas noites. Coas compresas e tampóns era raro o día que non espertara pola mañá con algunha mancha nas bragas ou nas sabas. Coa copa, iso acabouse.
      – Adeus a andar con compresas e tampóns enriba e ter que ir ao baño a cada pouco a cambiarte. Coa copa podes estar ata 12 horas sen ter que cambiala, no meu caso 6h se estou no momento de maior fluxo da regla, que só é o segundo día, polo que xenial, cando traballas de aquí para alá non ter que andar buscando un baño para te cambiar ou así é fantástico. E ademais non levas sustos por manchar o pantalón ou similar.
      – Adeus a mercar compresas e tampóns, e almacenalos na casa. Aforras cartos e liberas espazo!
      – Adeus a pensar onde vas tirar a compresa usada se non estás nun baño que dispoña de recolector. Adeus a andar tirando compresas e tampóns que van parar aos ríos e ao mar.

      Todo vantaxes, a verdade. Só hai unha cousa que pode resultar incómoda para algunhas persoas, que é o feito de lavar a copa cando se baleira. A min non me resulta nada molesto porque durante moito tempo tamén usei compresas de tea e era bastante máis incómodo lavar as compresas que a copa, pero podo entender que haxa xente a quen lle disguste ter que facelo. Tamén é certo que, como podes levar a copa posta durante 12h, rara vez terás que lavar a copa nun baño público ou nun lugar no que non te sintas cómoda, e iso axuda.

      A situación de invisibilidade que vivimos as mulleres nesta sociedade machista tamén afecta a esta cuestión. É raro que se nos ensine, nin na casa, nin na escola, a recoñecer o noso propio corpo con naturalidade e sen medos. E por iso hai mulleres a quen a copa menstrual lles resulta repulsiva. Debemos perder ese medo. O noso corpo é noso, podemos exploralo sen medo. A nosa cona é nosa, temos que vela, tocala e coñecela, como facemos con calquera outra parte do corpo. A ninguén lle dá medo ou repelús lavar os dentes, por exemplo, pero hai moitas mulleres que non se tocan “aí abaixo” por vergoña ou mesmo por noxo, algo que temos inculcado pola forma en que somos enculturizadas.
      A copa menstrual é unha revolución nese sentido. Aprendamos a usala, é un avance fantástico para as mulleres, e para o mundo.

      • Ola Gu! Graciñas por pasarte polo blog. Como non hai nada en galego sobre a copa (ou polo menos eu non o atopei), ao mellor me lanzo tamén a facer un vídeo para explicar un pouco todo isto dun xeito máis gráfico.

        Qué marca é a que tí usas? Estou interesada en probar outras e se a túa che funciona estupendamente…

    Deixa un comentario

    O teu enderezo electrónico non se publicará Os campos obrigatorios están marcados con *

    *