Boliñas enerxéticas

A raís de buscar como facer a pizza perfecta atopei unha canle de youtube dun rapaz que cociña cousas bastante sinxelas e interesantes. Nunha das sús publicacións falaba de facer 5 snacks caseiros para reemplazar toda a trapallada que comemos habitualmente e pareceume boa idea. Así que marquei como obxectivo facer algúns deles.

O de hoxe son as clásicas boliñas enerxéticas que se poden levar de snack para unha camiñata, para o cole ou como complemento a unha merenda porque teñen boa resistencia, non se quedan pegañentas e podes facelas do tamaño axeitado para papalas dun bocado. Gustaronme porque teñen o toque da laranxa que lles da un punto diferente.

Compartovos a receita por se alguén se anima a facela.

Ingredientes

  • 9-10 dátiles
  • 1/4 de taza de anacardos tostados sen sal
  • 1/4 de taza de améndoas tostadas sen sal
  • 1/4 de taza de coco relado
  • 2 culleres sopeiras de chía
  • Zume de media laranxa
  • Reladura de unha laranxa

Elaboración

  1. Poñer na Thermomix todos os ingredientes ata formar unha pasta.
  2. Formar boliñas do tamaño que che cadre mellor.
  3. Conservar no frigo antes de usar para que endurezan un pouco.
Recomendacións
  • Para o meu gusto quedan moito mellor cos froitos secos tostados, pero tamén se poden empregar crús.
  • As améndoas botoas tostadas pero con pela para que leven máis fibra e sacien máis.
  • Podense reemplazar os froitos secos polos da túa elección sen problema.
Receita orixinal: Pro Home Cooks

Deixa un comentario

O teu enderezo electrónico non se publicará Os campos obrigatorios están marcados con *

*