Fai pouco merquei unha nova gofreira/sandwicheira porque a anterior xubilouse. Merquei esta de Create: Stone Studio E a verdade é que estou moi contenta con ela.
Para estreala, arrinqueime cuns gofres de coliflor salgados que vin na súa web. Para min, que aborrezo a coliflor, resultoume unha receita riquísima e do máis agradecida.
Velai vai a receita.
Ingredientes
- 160 gr de coliflor
- 1 ovo
- 50 gr de queixo cheddar relado
- 50 gr de pan relado
- 1 chisco de sal
- 1 chisco de pementa negra
Elaboración
- Relar a coliflor e apretala ben cunha gasa para que lle saia o exceso de auga.
- Agregarlle o ovo batido, a pementa, o sal, o pan relado e o queixo. Mesturar todo ben.
- Deixar repousar na neveira durante 30 minutos.
- Quencer a gofrera e cando estea quente pintala con aceite e agregar a masa.
- Retirar pasados 7 minutos aproximadamente.
Recomendacións
- A textura que queda é cruxinte ainda que na imaxe pareza brando.
- Tamén cun chisco de ourego na masa adquire un toque pizzeiro.
- Con esta masa saen catro gofres.
Receita orixinal: Create Recipes
