O malfatti é un prato italiano consistente nunha especie de albóndegas de ricotta e espinacas que se soe servir cunha salsa de manteiga ou de queixo parmesano. Hoxe imos preparar unha versión máis lixeira e un pouco diferente pero co mesmo espírito da auténtica italia :).
As boliñas pódense deixar preparadas do día anterior e pódense facer de tamaño máis pequeño se as queremos facer con outro tipo de ensalada que non sexa a ensalada de rúcula e canónigos.
Velaí vai a receita.
Ingredientes
- 110 gr de copos de avea fina
- 1 ovo
- 5 culleradas sopeiras de bebida de avea
- sal ao gusto
- 1 cebolleta
- 40 gr de piñóns
- 2 culleradas sopeiras de aceite de oliva
- 150 gr de follas de rúcula e 150 gr de follas de canónigos
Elaboración
- Bater o ovo con dúas pizcas de sal mariña e engadir a bebida de avea. Agregar a avea fina e mesturar ben ata que quede unha cousa pastosa pero non seca.
- Cunha culleriña facer pequenas boliñas e botalas nunha pota con auga fervendo cun chisco de sal. Deixalas ferver 2 minutos e logo retiralas.
- Quentar o aceite nunha tixola e cando estea ben quente agregar a cebolleta e deixar qeu se faga.
- Logo agregra os piñóns e cando se doren incorporar as follas de rúcula e canónigos e saltear 1 minuto máis.
- Finalmente agregar as boliñas de avea (escoadas) e saltear todo xunto. Pódese engadir un chorriño de salsa de soia.
- Eu ás veces fago este prato só con canónigos porque a rúcula ás veces resúltame moi forte de sabor.
- Hai que saltear moi pouco as follas porque coa calor enseguida se espapuxan.
- Se só hai avea gorda, pódese triturar coa Thermomix para facela finiña.
